interviste me Z. Kliton Gërxhani,
Shoqata Shqiptare e Turizmit (ATA) ka shprehur shqetësimin e saj rreth pasojave negative që mund t‘i shkaktojë kriza ekonomike e vitit 2009. Që nga krijimi i kësaj shoqate, më 29 prill 2008, roli i operatorëve turistikë në zhvillimin e vendit ka luajtur një peshë të madhe, ndërsa nuk fshin shqetësimin që ka për efektet negative që mund të shkaktojë rënia e ekonomisë së vendit vitin tjetër.
Kliton Gërxhani, Kryetari për Sektorin e Agjencive Turistike dhe Transportit, shprehet se sektori i operatorëve turistikë, agjencive turistike dhe agjencive të transportit kanë problematikë të shumëllojshme për vetë natyrën e këtyre bizneseve. Sidomos sektori i operatorëve turistikë është ai që i ndjen më shumë pothuajse të gjithë problematikën e turizmit, sepse edhe produkti që ofron është bashkimi i shërbimeve të sektorëve të tjerë brenda turizmit. "Nga përvoja jonë dhe takimet që kemi bërë me anëtarët tanë, kanë dalë një seri problematikash. Në nivel ndërkombëtar na pret një vit i vështirë për shkak të krizës financiare globale. Kurse në nivel kombëtar, megjithëse shpesh trumbetohet se turizmi është sektor prioritar, realiteti tregon se po ndodh e kundërta, se po shtohen parqet industriale, TEC-et me qymyr, depozitat e naftës, fabrikat e çimentos, deri edhe centralet bërthamore", shprehet Gërxhani në raportin periodik të shoqatës, i pari që nga krijimi i ATA-s. Sipas tij, këto zhvillime do t‘i marrin frymën turizmit, që do të thotë se "e ardhmja e bizneseve tona do të vihet në rrezik".
Sot, ATA do të zhvillojë një konferencë të hapur për të bërë publike planet për të ardhmen.
No comments:
Post a Comment