Ekopolitikë - Turizmi 2022: Sa shpresë? - RTV Ora - 13/05/2022

Kryetari i ATOA-s: Tregu shqipfolës ‘shpëtoi’ turizmin nga pandemia -Report TV- 26/01/2022

A u godit turizmi? Gërxhani: Ngjarjet e fundit mund të ishin shmangur - A2CNN - 29/06/2021

Cili eshte koncepti i turizmit shqiptar? - Argument Enio CIVICI ne TV SCAN - 17/06/2021

Kliton Gerxhani për bilancin e turizmit në Argument ne TV SCAN, 19/09/2020

Turizmi, Gërxhani: Nëse s'dalim me sa më pak dëme deri në 2021-in e vështirë që ky sektor të ngrihet-Ora News-10/08/2020

Wake Up/ Kliton Gërxhani:Charter-t i sjellin operatorët turistikë, Ministria dërgon lule në aeroport - Top Channel - 27/07/2020

Kriza e operatorëve turistik, Gërxhani: Larg edhe minimumit, mbajmë thjesht hapur bizneset- Euronews Albania - 22/07/2020

Mbyllja e kufijve deri ne 31 korrik rendon edhe me shume turizmin, turoperatoret apel per ndihme-ABC News 18/07/2020

COVID-19 gjunjëzon turizmin, përfaqësuesit e këtij sektori të pakënaqur me ndihmën e qeverisë-EuroNews Albania, 15/04/2020

"E domosdoshme infrastruktura turistike në nivelin 4-5 yje! Flet kreu i Shoqatës Shqiptare të Turoperatorëve dhe Agjencive Turistike"- SCAN Magazine, 22/07/2018

Ndërsa sipërmarrja private po bën hapa drejt ofrimit të një turizmi elitar, a po punon qeveria paralelisht për ta kompletuar ofertën turistike?  Në një intervistë për revistën “SCAN“, Kliton Gërxhani, kryetar i Shoqatës Shqiptare të Turoperatorëve & Agjencive Turistike ka rezerva në këtë drejtim dhe kërkon më shumë investime nga pushteti qendror apo vendor për të mundësuar një infrastrukturë të plotë turisike. Ndërsa thekson se mungesa e vullnetit për kategorizimin e hoteleve është një handikap i madh në këtë drejtim.

Sezoni veror ka filluar, në çfarë gjendje është sektori i turizmit  këtë vit dhe sa i gatshëm për të pritur numrin në rritje të turistëve të huaj?

Sektori i turizmit është i mbushur me të njëjtat problematika të pazgjidhura si vite më parë. Dhe për aq kohë sa problematikat nuk zgjidhen, pritja e turisteve bëhet në mënyrë të sforcuar, aq më tepër kur volumi rritet.

Sa i përket turizmit elitar, si e përkufizoni këtë term dhe a ka filluar vendi ynë të ofrojë një turizëm të mirëfilltë elitar?

Turizmi elitar është një turizëm kryesisht në numra të vegjël, në nivele maksimale standardi e shërbimi, dhe i kombinuar me eksperienca unike. Vendi ynë është shumë larg të ofruarit të një turizmi elitar, përveç rasteve sporadike.

Duket se së fundmi janë shtuar përpjekjet në këtë drejtim me hapjen e hoteleve luksoze me 5 yje. Ndërsa janë edhe disa projekte që po ndërtohen në formën e resorteve të mëdha, sa të mundur do ta kenë këto struktura për të rritur nivelin e turizmit elitar në vend? Cili është problem që ka sektori dhe që pengon këtë lloj turizmi aktualisht? 

Po, ka një përpjekje për të stimuluar ndërtimin e hoteleve me 4 dhe 5 yje, por vetëm stimuli fiskal nuk mjafton. Hoteleve të këtij niveli u duhet krijuar një klime pozitive biznesi, dhe kjo arrihet kur destinacioni ynë ngrihet në nivelin e 4-5 yjeve dhe jo vetëm hoteli. Dhe e gjithë kjo shoqërohet me një infrastrukturë të plotë turistike të nivelit 4-5 yje.

Kategorizimi i hoteleve a vijon të mbetet problem?

Kategorizimi me yje më shumë se problem është mungesë vullneti nga ana e qeverisë për t’u bërë, sepse po të kishte filluar kur u vendos në ligj në vitin 2015, sot do të kishte mbaruar dhe do të ishte kthyer në dobi të standardeve të turizmit.

Çfarë po bëjnë dhe çfarë duhet të bëjnë më shumë agjencitë turistike shqiptare që në bashkëpunim me këto hotele të rrisin numrin e turistëve cilësorë në vend?

Agjencitë turistike, së bashku me hotelet, edhe pse kanë një përvojë të pakët në trajtimin e turizmit elitar, e kanë shumë të vështirë që të kenë sukses të vetëm, nëse, siç thashë më lartë, nuk shoqërohet me një destinacion dhe infrastrukturë turistike elitare.

Si kanë ndikuar politikat fiskale për hotelet me 4 dhe 5 yje sa i përket nxitjes së turizmit cilësor dhe çfarë duhet të bëjë më shumë qeveria?

Politikat fiskale natyrisht ngjallin një reagim të parë, por kjo nuk do mjaftojë nëse qeveria nuk do të dëgjojë ekspertët e turizmit dhe nëse nuk do e marrë seriozisht turizmin.

Bisedoi: Elisabeta Dosku/ SCAN Magazine

http://www.scan-tv.com/e-domosdoshme-infrastruktura-turistike-ne-nivelin-4-5-yje-flet-kreu-i-shoqates-shqiptare-te-turoperatoreve-dhe-agjencive-turistike/

Ekopolitikë - "Turizmi, ikin apo vijnë të mëdhenjtë?" ne Ora News, 12 Janar 2018

Para dhe pasuri: Oferta turistike cfare gjejme ne bregdetin shqiptar? -ne Tv Ora News, 19 korrik 2017

"Shqipëria Zgjedh 2017 - Turizmi", ne RTSH, 15 qershor 2017

Sezoni turistik 2017 - Wake Up ne Top Channel Albania, 12 Maj 2017

"Efektet e uljes se TVSH ne 6% ne sektorin e akomodimit, statistikat dhe standartet ne turizmin shqiptar" ne Intervista ne Scan Tv, ne 17 Prill 2017

"Ulja e Tvsh ne turizem dhe ceshtje te tjera te turizmit, nga ATOA" - PërTëFol ne Scan TV, 6 Prill 2017

"Ndodhemi në gjendje “vakuumi”" - Revista Monitor, 20 mars 2017

Flet Kliton Gërxhani, kryetar i ATOA-s

Në opinionin tuaj, çfarë ndikimi do të ketë situata politike në ekonomi e veçanërisht në sektorin e turizmit?

Është e vërtetë që situata aktuale duket në gjendje vakuumi dhe ndoshta në të kanë ndikuar pak nga të gjitha, pra afrimi i zgjedhjeve, ndryshimet në qeveri, apo edhe protesta e opozitës. Pikërisht për këtë arsye, Shoqata e Tur-operatorëve dhe agjencive turistike, doli dhe bëri thirrje disa muaj më parë që zgjedhjet të mos mbahen më gjatë sezonit të lartë të turizmit sepse i druheshim kësaj gjendjeje të mjegullt që jemi aktualisht, që për fat të keq ka filluar 3 muaj para ditës së zgjedhjeve, pra shumë më herët edhe se ç’e prisnim ne vetë.
Në një letër drejtuar Presidentit të Republikës, ne argumentuam se zgjedhjet duhet të mbahen në muajin tetor si periudha që do të jepte më pak ndikim negativ në turizëm. “Nisur nga përvoja ndër vite, mund të themi se çdo vit zgjedhor rezulton të jetë më i dobëti në performancën e turizmit. Ky fakt konfirmohet edhe nga të dhënat e Institutit të Statistikave, Banka e Shqipërisë apo edhe të dhënat e Organizatës Botërore të Turizmit. Duke qenë se aktiviteti turistik në Shqipëri është i përqendruar kryesisht gjatë muajve të verës, mbajtja e zgjedhjeve parlamentare, apo edhe atyre lokale, në periudhën e kulmit të sezonit turistik, jep ndikim të madh negativ në sektorin e turizmit në veçanti, dhe në ekonominë e vendit në tërësi. Për sa më sipër, referuar Kushtetutës së Republikës së Shqipërisë, neni 65 dhe neni 92/gj, si dhe në bazë të ligjit Nr. 10009, datë 29.12.08 “Kodi Zgjedhor i RSH”, i ndryshuar, neni 8, duke qenë se ekziston hapësira për të vendosur datën e zgjedhjeve në një nga periudhat e lejuara sipas këtij ligji, lutemi të vlerësoni mundësinë, që zgjedhjet e ardhshme parlamentare, të mos përkojnë me sezonin turistik veror”, u shprehëm ne në letrën drejtuar institucionit të Presidentit.

Po çfarë do të ndodhë me planet e biznesit të turizmit?

Aktualisht është ende e paqartë se si dhe kur do të bëhet në praktikë certifikimi i hoteleve. Ndërsa sa i përket standardizimit të tur-operatorëve dhe agjencive turistike gjendja është edhe më keq, ajo është e bllokuar. Asnjë prej kërkesave tona për standardizimin dhe ndarjen e tur-operatorëve nga agjencitë turistike nuk u mor në konsideratë.
Me rregulloren e re, tani, një tur-operator diferencohet nga një agjenci turistike vetëm sepse i duhen 4 metra katrorë më shumë sipërfaqe në zyrë dhe që administratori duhet të ketë mbaruar shkollën e lartë.
Pra, me kaq e ka parë të arsyeshme Ministria e Zhvillimit të Ekonomisë, Turizmit, Tregtisë dhe Sipërmarrjes të bëjë dallimin mes tur-operatorëve dhe agjencive turistike. Në fakt këto biznese kanë dy profile krejt të ndryshme nga njëra-tjetra në mënyrën e konceptimit të biznesit.
Kjo, në mos sjelltë më shumë kaos në tregun e turizmit, ka të ngjarë të mos sjellë ndryshime në vendosjen e standardeve në të, gjë të cilën kemi mbi 8 vjet që e kërkojmë. Është për të ardhur keq që ndodhemi në një situatë të tillë.

http://www.monitor.al/ndodhemi-ne-gjendje-vakuumi-2/

"Problematikat e turizmit te ngritura nga ATOA" - PërTëFol ne Scan TV, 6 Dhjetor 2016